ඉඟුරු වලින් ඇඳුම රෝගයට විසදුම් 6 ක්
ඇදුම (asthma) යනු ඔබේ පෙනහළු හෝ ශ්වසන පද්ධතිය ආශ්‍රිත නිදන්ගත ගැටලුවක් වන අතර එමඟින් ඔබට හුස්ම ගැනීමට අපහසු වේ. පොදුවේ ගත් කල, ඔබ හුස්ම ගන්නා විට, ඔබේ මුඛයෙන් හෝ නාසයෙන් ඇතුල් වන වාතය ඔබේ ශ්වාසනාළය දෙසට ගමන් කර ස්වාස නාලිකා හරහා පෙනහළු වෙතට ලඟාවේ . ශ්ලේෂ්මල අතිරික්තයක් සෑදීම නිසා වාත නාල පටු වී ප්‍රදාහය (inflammation) ඇති වුවහොත් ඔබට ඇදුම රෝගය ඇති විය හැක. ඇදුම රෝගයෙන් පෙළෙන පුද්ගලයින්ට පපුවේ තද ගතිය, හුස්ම හිරවීම, කැස්ස සහ කරකැවිල්ල වැනි පොදු රෝග ලක්ෂණ අත්විඳිය හැකිය. ඇදුම රෝගය සඳහා ප්‍රතිකාරයක් සොයා ගත නොහැක. කෙසේ වෙතත්, ඇදුම රෝග වැළඳීමේ අවදානම අඩු කිරීම සඳහා ඔබට එහි රෝග ලක්ෂණ පාලනය කළ හැකිය.
ඇදුම රෝග ලක්ෂණ සමනය කිරීමට, පාලනය කිරීමට උපකාරී වන ස්වභාවික පිළියම් කිහිපයක් පිළිබඳව අද අප ඔබව දැනුවත් කරන්නෙමු. මේවා කිසිදු අතුරු ආබාධයකින් තොරව ,වඩාත් ආරක්ෂාකාරී හා ඵලදායි ප්‍රතිකර්ම වන අතර ප්‍රධානම අමුද්‍රව්‍ය ලෙස භාවිතා වන්නේ ඔබ කවුරුත් හොඳින් හඳුනන ඖෂධීය ගුණ බහුල ඉඟුරු ය.ඉඟුරු උණ, සෙම්ප්‍රතිශ්‍යාව, කැස්ස සහ ඇදුම වැනි ශ්වසන රෝග සඳහා ප්‍රතිකාර කිරීමේදී ද භාවිතා කළ හැකිය. ඇදුම රෝග ලක්ෂණ වලින් සහනයක් ලබා ගැනීම සඳහා ඔබට ඉඟුරු අමු, නැවුම් සහ වියලි ආකාරයෙන් එකතු කළ හැකිය.
1.ඉඟුරු තේ
ඉඟුරු වල ඇති ප්‍රතිඔක්සිකාරක ගුණය ඔබේ ශරීරය මඟින් නිපදවන අහිතකර රසායනික ද්‍රව්‍ය ඉවත් කිරීමට මෙන්ම ඇදුම රෝගය ඇති කරන මානසික ආතතිය දුරු කිරීමට ද උපකාරී වේ. ඊට අමතරව, ඉඟුරු වලට ඔබේ ශ්වසන මාර්ගය හැකිලීම සීමා කළ හැකි අතර පසුව පුද්ගලයාගේ ශ්වසන ක්‍රියාවලිය සාමාන්‍ය තත්වයට පත් කළ හැකිය. පපුවේ ප්‍රදාහය (chest inflammation) සමනය කරමින් ඇදුම තත්වයට ප්‍රතිකාර සඳහා මෙම ගෙදර හැදූ ඉඟුරු පිළියම භාවිතා කරන්න.
- කුඩා ඉඟුරු කැබලි 1 ක්
- වතුර කෝප්ප 1 ක්
ඉඟුරු වතුරට දමා හොඳින් තම්බා ගන්න.වතුර උණු වූ පසු එය ලිපෙන් ඉවත් කර විනාඩි 5 ක් පමණ තිබෙන්නට ඉඩ දෙන්න.පානය කල හැකි මට්ටමට එය උණුසුම් වන තුරු මිනිත්තු කිහිපයක් රැඳී සිට දිනකට 2 වතාවක් මෙම ඉඟුරු තේ පානය කරන්න.
2.ඉඟුරු
ඉඟුරු වල සින්ජරෝන්ස් (zingerones), ෂෝගෝල් (shogoals) සහ ජින්ජරෝල් (gingerol) වැනි ඉහළ සංරචක ප්‍රභවයක් අඩංගු වන අතර ඒ සියල්ල වේදනා නාශක සහ ප්‍රති- ප්‍රදාහක ගුණාංග ලෙස ක්‍රියා කරයි. තවද, අසාත්මික ඇදුම රෝගයට (allergic asthma) ප්‍රතිකාර කිරීම සඳහා ඉඟුරු මඟින් ඔබට චිකිත්සක ප්‍රතිකාරයක් ලබා දේ. ඊට අමතරව, එය ඔබේ ශ්වසන මාර්ගයේ ඉදිමීම සහ ප්‍රදාහය (දැවිල්ල) අඩු කිරීමට ද උපකාරී වේ.ඔබ ඉඟුරු කැබැල්ලක් හොඳින් සෝදාගෙන ඉඟුරු යුෂ ලබා ගැනීමට හෝ කුඩා කැබලිවලට කපා ගන්න. ඉඟුරු වල ලුණු ස්වල්පයක් එක්කර නිතිපතා පරිභෝජනය කිරීමෙන් සැලකිය යුතු දියුණුවක් ලබා ගත හැකිය.ඊට අමතරව, ඔබේ සුප්, හොදි, සලාද, ආදි ආහාර වලට ඉඟුරු කුළුබඩුවක් ලෙස මුසු කරගන්න. ඉඟුරු රසකැවිලි පරිභෝජනය කරන්න (සීනි අන්තර්ගතය ගැන සැලකිලිමත්වන්න).
3.ඉඟුරු, ලෙමන් සහ මීපැණි
ඉඟුරු, ලෙමන් සහ මීපැණි සංයෝජනය ඇදුම සඳහා ඉඟුරු භාවිතා කරන්නේ කෙසේද යන්න පිළිබඳ තවත් උපක්‍රමයකි. මෙම ද්‍රාවණය මඟින් ඔබේ ශරීරයේ රුධිර සංසරණය වැඩි දියුණු වන අතර එයින් අදහස් කරන්නේ ඔක්සිජන් ශරීරය පුරා හොඳින් සංසරණය වීමට එය උපකාරී වන බවයි. ඇදුම රෝගය හේතුවෙන් අවහිර වූ ශ්වසන මාර්ග විවෘත කිරීමට මෙය කදිම විසඳුමකි.
- අමු ඉඟුරු කැබලි 4 ක් හෝ 5 ක්
- ලෙමන් යුෂ තේ හැදි 1 ක්
- කාබනික මීපැණි මේස හැදි 1 ක්
- වතුර කෝප්ප 1 ක්
මුලින්ම ඔබ ඉඟුරු කැබලි හොඳින් සෝදා පසුව අඹරා ගන්න.ඊළඟට, සාස්පානකට වතුර සහ ගා ගත් ඉඟුරු දමා විනාඩි 5 ක් 8 ක් තම්බා ගන්න.ඊට පසු, ලිපෙන් ඉවත් කර තවත් විනාඩි 5 ක් පමණ මද රස්නේ තැම්බෙන්නට හරින්න .දියර පෙරීම සඳහා පෙරනයක් භාවිතා කරන්න .පානය කල හැකි මට්ටමට එය උණුසුම් වන තුරු මිනිත්තු කිහිපයක් තබා මී පැණි සහ ලෙමන් යුෂ සමඟ මිශ්‍ර කරන්න.පපුවේ පපුවේ සෙම සිරවීම හා අවහිරතා ඉවත් කිරීම සඳහා හොඳින් කලවම් කර දිනකට එක් වරක් පානය කරන්න.
4.ඉඟුරු, උලුහාල් සහ මීපැණි
ඇදුම රෝගය සඳහා ඉඟුරු භාවිතා කිරීමට තවත් හේතුවක් නම් එහි එන්සයිමය වලක්වා ගැනීමේ හැකියාව නිසා ශ්වසන මාංශ පේශි හැකිලීම මෙන්ම එන්සයිම සක්‍රීය කිරීමෙන් වායු මාර්ග සැහැල්ලු වීමයි.
අමුද්‍රව්‍ය:
- ඉඟුරු යුෂ මේස හැදි 1 ක්
- උලුහාල් මේස හැදි 2 ක්
- මීපැණි මේස හැදි 1 ක්
ඔබ කළ යුතු පළමු දෙය නම් උලුහාල් එක රැයක් පිරිසිදු ජලයේ පොඟවා ගැනීමයි.පසුදා උදෑසන ජලය පෙරා දමා මෙම බීජ වියළීමට ඉඩ දෙන්න.දැන් ඉඟුරු යුෂ සහ උලුහාල් ඇට සහ මීපැණි හොඳින් මිශ්‍ර කරන්න.ඔබේ පෙනහළු පිරිසිදු කිරීමට මෙන්ම ඇදුම සහ එහි රෝග ලක්ෂණ සමනය කර ගැනීමට මෙම මිශ්‍රණය දිනකට 2 වතාවක් පානය කිරීමට මතක තබා ගන්න.
5.ඉඟුරු, මීපැණි සහ දෙළුම්
දෙළුම් වල විටමින් සී සහ ප්‍රති- ප්‍රදාහක ගුණාංග වලින් පොහොසත් ය. දෙළුම් සමඟ ඉඟුරු මිශ්‍ර කිරීම ඇදුම රෝග ලක්ෂණ වලින් සහනයක් ලබා ගැනීමට හොඳ ස්වභාවික පිළියමකි.
- ඉඟුරු යුෂ තේ හැදි 1 ක්
- දෙළුම් යුෂ තේ හැදි 1 ක්
- මීපැණි 1 තේ හැදි
ඔබ මේ සියලු ද්‍රව්‍ය කෝප්පයකට දමා හොඳින් මිශ්‍ර කරන්න.දිනකට 2 වරක් මෙම මිශ්‍රණය පරිභෝජනය කිරීමෙන් වඩා හොඳ ප්‍රතිඵල ලබා ගත හැකිය.
6.ඉඟුරු, ලෙමන් යුෂ සහ වැල්මී මුල් තේ
ඇදුම සඳහා ඉඟුරු භාවිතා කිරීමට අමතරව, ඇදුම රෝගයට ප්‍රතිකාර කිරීම සඳහා වැල්මී මුල් සහ ලෙමන් යුෂ භාවිතා කළ හැකිය. ලෙමන් වල වල විටමින් සී බහුල බැවින් ප්‍රදාහය අඩු කරන අතර හොඳ ප්‍රතිඵලය ලබා ගැනීම සඳහා එහි යුෂ , ඉඟුරු සහ වැල්මී මුල් සමඟ මිශ්‍ර කළ හැකිය.
- වැල්මී මුල් තේ හැදි 1 ක්
- ඉඟුරු කුඩු තේ හැදි 1 ක්
- ලෙමන් යුෂ තේ හැදි ½ ක්
වැල්මී මුල් සහ ඉඟුරු කුඩු සාස්පානකට දමා මෙම මිශ්‍රණය විනාඩි 5-10 අතර කාලයක් තම්බා ගන්න.මිශ්‍රණය තැම්බීමෙන් පසු ඔබ එය ගින්නෙන් ඉවත් කර විනාඩි 2 ක් 3 ක් පමණ නිවෙන්නට හරින්න.තම්බා ගත් මිශ්‍රණයට දෙහි යුෂ එකතු කර දිනකට 2 වතාවක් තේ පානය කරන්න.මෙය සරල ස්වාභාවික ඇදුම පිළියමක් වන අතර ඔබේ වායුමාර්ග පිරිසිදු කිරීමට සහ දැවිල්ල සමනය කිරීමට බෙහෙවින් ක්‍රියාකාරී වේ.